郭富城密謀8字形摩天輪求婚
昨晚演唱會表演嘉賓之一郭富城行紅地氈時，表示將要到後台為演唱會做準備，並說：「我會同SISTAR、Mariah Carey同台，但分開表演，我係代表中國同香港，會畀心機，之後就準備新加坡嘅演唱會。」問到會否有機會跟里奧勒度狄卡比奧、羅拔迪尼路及馬田史高西斯見面？城城坦言：「睇緣分，我會返後台換衫，準備個騷。其實我四個（包括未能到場的畢彼特）都鍾意，由細睇到大，三個演員嘅風格唔一樣，但都係好演員，馬田史高西斯係偉大導演，好期待欣賞由佢哋合作為新濠影滙拍嘅短篇電影。」
前日50歲生日的城城，獲現場傳媒祝賀生日快樂，他開心地說：「多謝大家。（生日願望係成家立室？）係其中一個。（有對象未？）將來搵到同大家講同分享，希望到時大家祝福我，我會努力。（喺新濠影滙嘅8字形摩天輪上求婚？）幾有創意，考慮吓。」