劉嘉玲大鄉里搭巴士

藝人劉嘉玲昨日出席紐約皮革袋飾品牌Me Char慈善活動，透露近來對生活有新體驗，笑言自己很大鄉里：「搭巴士原來好正，有日搭巴士去赤柱同去愉景灣參加朋友婚禮。（你有八達通咩？）冇啊，要搵散紙，好新嘅體驗同好大鄉里。20幾年冇搭巴士，覺得巴士好舒服，自己好興奮。我一直企係司機旁邊，顧住睇風景影相。」問到有否事先做巴士路線資料搜集？她表示沒有，只是隨心出發，絕對無懼蕩失路：「香港好安全，除咗電話騙案。（會唔會去大牌檔食嘢？）我成日都去，邊度有好嘢食都去。（同老公梁朝偉一齊去？）佢都好鍾意去。」隨後更表示專誠來支持品牌創辦人暨設計師何芓諄，大讚她為人有社會責任心。