謝婷婷送禮襪賀安志杰做老竇
藝人謝婷婷昨日出席美肌產品活動，仍單身的她表示非常享受一個人的生活，即使舊愛安志杰將結婚及榮升爸爸，亦絕無心郁加快步伐，並大方透露會贈送襪子給安志杰的BB作禮物。
藝人謝婷婷和影帝劉青雲太太郭藹明（Amy），昨日出席「飛利浦全新多功能美肌神器VisaPure Advanced」發布會。二人除即席分享美肌心得外，大會更播放兩人合作拍攝的宣傳短片。婷婷透露剛在土耳其和倫敦參加好友婚禮返港，雖然出席了兩場婚宴，但她坦言沒有被感染結婚念頭，更揚言自己的性格從來不受他人影響。問到有否恭喜舊愛安志杰（Andy）將與Jessica C.（JC）結婚及榮升爸爸？她表示會透過Andy的助手恭喜對方，並表示會贈送有兩人名字的襪子禮物給BB，大讚Andy會是位好爸爸。
家人驚冇伴怕寂寞
問到她會否懷孕後才結婚，她自言思想較傳統及屬有計劃之人，但「意外」的事無人可預計，故亦無所謂。問到舊愛結婚會否促使她加快結婚步伐？她坦言：「唔會啊，我好多舊愛都結晒婚同生埋小朋友，其實我一半時間係自己一個，好享受一個人嘅時間，搞到我都有少少擔心自己太鍾意一個人，相信就算變成老人家都唔會驚寂寞。（爹哋媽咪擔心？）佢哋同朋友都擔心我，但真正認識我嘅人就知道呢個就係我。」笑言可能因23年來都係一人在加拿大生活，故習慣了自己解決問題。
郭藹明等角色復出
而現以家庭為第一位的Amy，表示日後若有合適的劇本復出拍戲的話，都必須要遷就青雲的時間：「有時都有傾吓劇本嘅，要睇角色、劇本內容，同一定要就到青雲嘅檔期時間。（情侶檔復出？）少啲啦，不過上次拍廣告係幾好玩。（你哋好sweet！）佢哋要求(口架)嘛。（真實唔係(口架)咩？）真實就唔話你哋知。」又謂青雲對自己復出工作沒有意見：「我諗我都有超過10年冇出過嚟啦，所以有問番自己得唔得，今次同上次拍廣告都有啲緊張，不過上次同佢一齊拍就冇咁驚。」
文：名人組