何洛沂愛夜生活寸外界歧視蒲精
「硬膠芭比」何洛沂（Ashley）以泳裝上陣，D cup巨乳呼之欲出！敢言的她直指親身遇過圈中的「潛規則」，又寸爆外界「歧視」蒲精，勸告各位夜蒲之友帶眼識人：「有啲女仔入世未深先會畀人灌醉！」有意入行發展的她更甘願為做演員放棄正職，並謂會好好把握機會。
有「硬膠芭比」之稱的落選港姐何洛沂（Ashley）穿上比堅尼受訪，大晒33D逼爆上圍！因參選而成為追捧對象，問到有無被公司睇中入行發展時，她直言已拒絕過一些電影邀請：「暫時就冇公司簽，但早排有大陸導演想搵我演電影嘅反派女一，但因為時間問題推咗。」
朋友被導演抽水
Ashley更大爆身邊朋友曾在參演電影時碰到「潛規則」：「會畀導演抽水囉！之前都有人搵我拍，暗示要同導演、老闆唱K、 食飯，又上佢哋遊艇飲酒，仲同我講『唔好介意啲人玩得癲，盡量配合』！」
而一向熱愛夜生活的她更出言反駁外界對「蒲妹」的「歧視」：「好多電影都講到Clubbing就係壞，但好多人都唔知現實中係點！其實出嚟蒲嘅女仔未必係好多人口中所講咁濫交、港女等等，只係有少部分女仔入世未深，先會畀人灌醉！而且依家好多男仔都將自己嘅身份地位捧得太高，又話出去蒲嘅女仔拜金『釣金龜』，其實明明係自己收入太低，又要扮有錢。」
棄正職轉做演員
現職保險及金融工作的Ashley坦言想轉行做演員，更力sell自己有幽默感：「我本身都係一個開心果，亦唔介意要扮醜，每個角色都有佢喺套戲入面嘅意義。如果真係遇到好嘅機會，我放棄正職都冇問題。（怕唔怕行內多是非？）我唔太擔心，之前都有個朵『硬膠芭比』，Barbie係靚嘢嚟，我覺得係讚美！」
何洛沂Profile
年齡：23歲
身高：1米68
三圍：33D、25、34
文：專案組
攝：劉斌
泳衣：Quiksilver