李思欣遭問價辣㷫范振鋒

藝人李思欣經常與老公范振鋒孖公仔出席活動，但仍有好色之士在微博向思欣查問其過夜價錢，深感侮辱的思欣留言反擊：「本人一直醉心於演藝事業多年，現為自由身，對於一切正常的拍攝商演也非常歡迎大家找我演出，但對於不道德交易，本人絕不會接的！」事後思欣接受電話訪問時直斥對方離譜：「唔知佢係咩人，可能係啲中間人，一個鐘Send好多個訊息嚟，仲開埋價，我已經Block咗佢，如果佢再Send嚟，唔排除公開佢Account！（老公咩反應？）當然好嬲！」