古天樂打到「不舉」
影帝劉青雲、古天樂（古仔）及莊思敏（Jacquelin）昨日於北潭涌拍攝電影《神行太保2016》。多次合作的青雲和古仔分別飾演戒毒更生人士及社團中人。古仔透露要應付多場打戲，更打到曾舉不起雙手：「拍5日（戲）就打咗3日，打到腰痠骨痛，打爛仔交要墊pad。（整親？）拉傷所有筋，對手舉唔起。（睇醫生？）睇完又嚟番。」
同場的Jacquelin稱飾演古仔女友，更笑言為此願意減片酬：「為咗古生我就可以收平啲。」但她笑言被騙，因為與古仔連拖手的戲份都欠奉。她又笑指青雲好cool，好難打開話題，故於片場不敢打擾對方。
