Bobby唔知驚 肥膩嘢照食
昨日藝人歐陽震華（Bobby）、萬綺雯（蚊蚊）、王浩信、黃心穎及楊詩敏（蝦頭）等，到樂富街市宣傳新劇《東坡家事》，吸引大批市民圍觀。期間Bobby與蚊蚊、浩信與心穎分組買餸，成功獲贈五花腩及以特惠價買到大舊冬瓜。
藝人買嘢多着數
事後Bobby與蚊蚊坦認藝人買嘢多着數，Bobby說：「買嘢會畀我買先，又會平啲，但我又唔會好狼，唔會買橙送個蜜瓜嚟嗰啲。」提到年前骾親入院，問到自此有否戒口？Bobby笑言：「我要澄清嗰次係意外，我唔係長期病患者。（東坡肉咁肥喎，照食？）我啱啱Check過，醫生話我仲正常過佢。
我壞膽固醇指數剛剛好，好嘅膽固醇就爭啲，所以仲可以食肥膩嘢。（太太有冇管住你飲食？）哈哈，我都未同佢計！當然女性忍口方面係好過男性，我以前鍾意食咩就掃晒，依家就食少少，或者分兩餐。」
浩信太太煮意多
而王浩信就狂讚太太陳自瑤廚藝有天分，外出吃過美味佳餚後能照辦煮碗自學！提到前晚在新加坡星和頒獎禮勇奪男配，他直認對之後的頒獎禮更有信心：「今年係我第十年入行，亦第一次喺新加坡得獎，係幾好嘅里程碑。我未試過得獎喊，但呢晚好感動，十年嘅畫面出晒嚟。（太太直擊你得獎？）冇直播，但我有拎住獎自拍畀佢睇。（點慶祝？）唔使佢煮，出去食啦。」此外，黃心穎透露兒時在附近居住，經常陪媽咪買餸，但目的是要買肚臍
餅食。文：影視料