張秀文唔做怕醜妹 愈戰愈勇

無綫藝人張秀文（Sammi）、麥美恩（Mayanne）、應屆港姐季軍郭嘉文（Karmen）、友誼小姐得主林凱恩（Iris）、張振朗及何君誠等，昨早到中環參加慈善競跑比賽，共襄善舉。

麥美恩羨慕好身材

Sammi早前以比堅尼上陣為《東網》影靚相，引來網民正評，她說：「畀人欣賞梗開心啦！其實我以前唔鍾意影相，入咗行後慢慢改變咗怕醜性格，依家會研究自己邊個角度靚，仲好想影番批靚相留念。（想影寫真集？）唔係話寫真嘅，係想影啲靚衫靚景嘅靚相囉！」

郭嘉文煲定劇偷師，等時機拍劇。

張秀文（右四）和張振朗（左二）等一眾藝人出席中環慈善跑。

Mayanne聞言說：「我都好想有Sammi咁好身材，可惜我媽咪生到我咁，要再瘦啲。（瘦到幾磅至滿足？）呢啲唔係計磅數，我會向秀文取經！遲啲《學是學非》6個女主持拍旅遊特輯，地點未定。」她更叫Sammi到時着三點式，自己則着一件頭泳衣。

郭嘉文煲劇偷師

負責跑第一棒的Karmen則說：「選港姐時比較多運動，近排相對悠閒啲，都想搵埋Iris去學瑜伽或者跳舞。公司遲啲可能會安排我入劇組，呢輪我就睇番《男親女愛》同《十月初五的月光》偷師。」

張振朗則笑言：「尋晚拍《愛‧回家》十點收工，今日本來放假，係何君誠叫我嚟，我同佢日見夜見。（賣甩龔嘉欣？）佢要拍外景，我哋做代表。」

文：影視組