王晶踩執導票房差 秋生擺老媽子上枱求饒

影帝級黃秋生被導演王晶在微博寸他當年執導的電影《新房客》票房欠佳，秋生昨日在電話謂：「我做乜仲回應佢？佢unfriend咗我啦！（你嘅「多餘人」言論辣(慶)咗對方？）unfriend咗呀，喺我哋各自嘅世界裏面，對方都係多餘。我唔明點解對佢嚟講，我咁重要？
黃秋生
黃秋生

我都踎咗成年（指之前疑因言論問題，良久未有內地工作接洽），依家有劇上，佢又撲出嚟踩幾腳，係咪我一家踎街，老媽子瞓街咁先得？」

王晶
  • 王晶

問到秋生是否希望爭拗到此為止？他說：「唔係我希望唔希望，我覺得好煩呀。佢係咪有嘢要宣傳定點呀？我幫唔到佢呀，我好廢o架，過主啦。搵第二個嚟鬧吖，唔好再理我！」