洪永城 對視帝愛恨交纏
陳展鵬、陳凱琳及洪永城等昨晚出席《張保仔》結局飯，眾藝員開香檳為剛連任「星和視帝」的展鵬慶祝，更有粉絲包了三圍枱祝賀他，不過展鵬正忙於拍劇集《城寨英雄》與《巨輪II》，慶祝活動要排到12月中。
問曾與展鵬傳不和的洪永城會否羨慕展鵬？他笑說：「一定，又愛又恨，愛佢太叻，又恨佢太叻。（年底爭無綫視帝？）佢係跑車，我見到佢車尾燈都當贏(0架)喇。（唔爭視帝？）我有份提名？有份參與都好開心。」
再問洪永城前晚拖黃翠如行紅地氈，怕不怕緋聞女友唐詩詠呷醋？他笑說：「唔會，唔知翠如有冇後悔揀咗蕭正楠？」在新加坡奪兩獎的陳凱琳表示未有時間與男友鄭嘉穎慶祝，問早前曾被黃秋生批評演技，有否覺得吐氣揚眉？她說：「唔會，因為真心覺得係前輩嘅意見。」