喬寶寶累鄺芷凡喪NG

國際旅遊小姐冠軍鄺芷凡（Omi）早前與喬寶寶拍攝廣告，Omi表示入行第一個廣告都是與喬寶寶做拍檔。相隔一年後二人再合作，她說：「感覺時間過得好快，眨吓眼已經入行一年多，諗起當時拍廣告咩都唔識。喬寶寶教我點樣望鏡頭、做表情，學識好多嘢。」她又稱與喬寶寶合作最辛苦是忍笑：「因為佢拍攝時經常爆肚，改D搞笑對白，又突然間扮鬼臉，在場工作人員包括我都忍唔住大笑，搞到成日NG，過程非常開心。」