張秀文神咪蛻變開財露
擁有34C上圍的前港姐張秀文，之前以火辣三點式上陣演《超強選擇1分鐘》，多幕「胸」湧的鏡頭，令秀文火速升呢當上新一代無綫「咪神」，秀文對封號當之無愧，並笑言多得媽咪遺傳，所以好嘢不想收收埋埋，索性「打開心扉」殺出血路，令工作接踵而來！
2010港姐亞軍張秀文，擁有34C、24、34的fit爆身材，惟獨甜姐兒的臉型略嫌圓潤，所以衣着打扮不能馬虎！秀文坦言曾想低調打扮而穿闊袍大袖，怎料造型儼如一個水桶，於是索性豁出去，展露身材而得到讚美：「嗰次着闊衫成個水桶咁，原來問題出喺個胸度，因為我個胸部凸出，但PatPat又細，闊衫穿喺上身，又唔束腰的話就出事，後來我喺衣着上落啲工夫，露吓腰、腿，好多人見到我，都同我講番做唔到我咁瘦！既然有咁嘅視覺問題，我索性唔再收收埋埋，（身材好先可以咁做？）都要多得媽咪遺傳！」
露肉唔再尷尬
因為秀文的豁出去，大方以三點式上陣玩無綫遊戲節目《超強選擇1分鐘》，多幕來勢「胸」湧的鏡頭，令她火速升呢當上新一代無綫「咪神」及宅男寵兒：「以前可能選完港姐，形象較斯文，但玩《超》時監製叫我要放低包袱，所以我都豁出去，三點式玩Game都唔再尷尬，明白觀眾都鍾意睇藝人真面目！」
工作接踵而來
秀文憑此而殺出血路，改變了當選完港姐後三幾年冇人識要坐冷板櫈之情況，她拍完《超》和最近節目《學是學非》而成為「紅牌阿姑」：「係呀！呢一年真係多咗好多工作，好多客戶都會請我哋做司儀式晚會嘉賓，單係呢類Job我已經排到明年二、三月，證明我嘅選擇係冇錯。」
文：影視組