霍何綺華乳癌康復 食得清淡
長和系高層霍建寧的太太霍何綺華昨日現身慈善烹飪班為香港乳癌基金會籌款，身為乳癌康復者的她表示平時飲食清淡，笑言今次要跟導師學整鮑參翅肚以作傍身。
霍何綺華昨日以香港乳癌基金會主席身份出席「粉紅滋補煮意」烹飪班，而著名律師馬豪輝太太馬廖千睿則擔任導師教煮花膠及鮑魚，是次活動為基金會籌款。霍太表示：「今日烹飪班有50人參加，嚟緊仲有一日，要加場，預計籌到20萬，跟馬太學一技傍身，好難得搵到馬太嚟做導師，佢之前出書都幫我哋個基金籌款。今年係基金會10周年，講乳癌風險，要做運動，都巿生活緊張，煮嘢食可以relax吓，同埋將馬太嘅秘方公諸於世。」
三低一高少鮑翅
問到霍太自己廚藝是否了得時？她坦言作為乳癌康服者，飲食要三低一高，低油低鹽低糖及高纖維，她說：「我自己食嘢好清淡，鮑參翅肚好少掂，請客先整，平時食吓蒸肉餅，我試過喺屋企整煲仔飯請客，大受歡迎。」
馬太廚藝精湛
至於馬太指現時流行食花膠，適合老中青及癌症康復者，廚藝精湛的她說：「今日教嘅嘢其中有我擅長嘅菜色，因為先生鍾意請客，試過煮60幾人食嘅嘢，喺屋企食buffet，煮咗30幾個餸。（會唔會再出食譜？）已經出咗兩本，都係為慈善機構籌款嘅，如果出第三本都會係幫慈善機構籌款，會講東南亞美食，依家流行食越南菜。」
文：名人組