牛雜妹簽獨立經理人愛自由
出局港姐「牛雜妹」李美琪（Monnie）屢傳簽約GME中國，不過，她前晚正式宣布簽約獨立製作公司，直言大公司多掣肘、自由度小，GME中國行政總裁Roy昨日透露，已簽下杜汶澤前化妝師陳意嵐，成功揮低Monnie。
「牛雜妹」李美琪（Monnie）一直傳簽約蕭定一旗下，頻頻亮相對方活動的她前晚透過短訊向傳媒交代去向：「經過與家人的認真商榷後，我決定了與獨立製作公司合作，繼續發展我的演藝工作。」為何不簽約蕭定一公司？她解釋：「其實我傾過好多間公司，每一間公司都有發展方向畀我，但同屋企人傾過，覺得自己依家未必適合簽大公司，因為掣肘比較多，想自自由度大啲，所以就簽以前合作開嘅獨立經理人。」並謂陸續接到劇集及電影劇本。
揀陳意嵐有經驗
對於未能招攬Monnie加盟，GME中國行政總裁Roy昨日表示，公司早前積極物色全國演員，盼羅致能應付戲劇及內地市場的藝人，Monnie亦是洽談的新人之一，最終，GME中國卻簽下曾參演英皇電影《選老坐》的陳意嵐：「有啲（新人）技術同能力上未準備好，我哋需要藝人係語言能力同做戲方面盡快追上，因為陳意嵐之前拍過戲，所以整體都比較好啲，Monnie就仲需要啲時間。（可惜未能合作？）唔會。」
文：影視組