林嘉欣愛拍戲冇時間教女

藝人林嘉欣昨日出度朱古力品牌活動，同場還有名模馬詩慧與女兒王曼喜、藝人黃芷晴、蔡潔及混血名模Jocelyn與丈夫Anthony等。眾人為迎合大會以聖誕節為題，均穿上充滿節日氣氛的打扮亮相，期間Jocelyn更主動向老公獻吻，場面熱鬧。

學畫畫求氣質拒補習

嘉欣表示今次活動是為慈善團體籌款，自己一直希望多為慈善工作出力。被問到聖誕節可會與家人出外旅遊？她謂：「通常比較臨時決定，要夾自己同老公個期。會帶兩個女睇燈飾，仲有參加嘉年華活動，同埋屋苑都有活動！（一齊布置聖誕樹？）要用真樹，因為用膠樹感覺唔同，真樹有松樹味！」又指會與兩名女兒製作朱古力，享受親子互動。問到可有安排兩名女兒參與興趣班？嘉欣表示：「大女依家五歲，細女兩歲半。有同大女一齊整陶瓷，但各有各做，畀佢自由發揮。唔會畀佢上補習班，會畀佢畫畫，但唔會出去學，因為顏色同構圖好難學，大女都係上年開始學。（有冇考慮家庭教學？）知道香港有百幾個小朋友係家庭教學，都有諗過，但自己太鍾意拍戲，怕冇時間！」

蔡潔大騷事業線，成功搶「峰」頭。	名模馬詩慧的性感程度比女兒王曼喜有過至而無不及。	Jocelyn主動向老公獻吻晒恩愛。

黃芷晴未揀定新公司

而現屬自由身的黃芷晴，透露現階段接觸不同新公司，但仍在考慮當中：「想自由啲，唔心急，但媽咪最想我快啲簽新公司，因為想有人照顧我。」而曾在電影有性感演出的蔡潔，坦言如果遇到合適的劇本，不介意以全裸上陣。

文：名人組