張智霖樓上裝修 驚見天花穿窿
藝人張智霖（Chilam）最近為電影宣傳忙個不停，需要休息的他卻遇上樓上裝修：「嗰日刷刷吓牙，發現個天花穿咗個窿」，令他最終要「逃離家園」。而「初哥哥」效應再次延續，凌晨重播吸引超過30萬觀眾捧場，吸引力絕不下於男神黃子華的《男親女愛》。
「初哥哥」張智霖昨日到將軍澳電視城接受無綫節目《娛樂3兄弟》訪問。最近Chilam為宣傳11月中上映的電影《十月初五的月光》而忙個不停，惟他坦言未能安在家中休養生息，皆因要承受樓上業主裝修之苦，更令鼻敏感發作，最終要「逃離家園」，他說：「嗰日刷刷吓牙，發現個天花穿咗個窿！」
睦鄰不打算追究
不過，Chilam並不打算向樓上追究，深明「睦鄰」真理：「所謂遠親不如近鄰，睦鄰好重要，我自己裝修都會騷擾到人。不過穿咗個窿真係未試過，佢都幾重手。」
而《十》片的同名無綫劇最近亦強勢重播，於上周六深夜連播四集，在電影上畫前再掀Chilam的角色「初哥哥」熱潮，首集更錄得平均4.7點收視，吸引超過30萬觀眾收看，曾超越平日相同時段、由黃子華與鄭裕玲主演《男親女愛》的平均4.3點收視。
阿佘感激觀眾支持
Chilam稱自己亦是重播捧場客，雖然因工作錯過了第一集，但對自己的經典作品依然大表支持。問他可發現自己沒變過？他笑言：「有呀，變咗好多，以前有活力好多，可能都係做番嗰個年紀嘅嘢，依家個人好穩定，沉實啲。（個樣？）魚尾紋、白頭髮呢啲一定有。（同老婆袁詠儀一齊睇？）都會，佢都係一個電視迷。」而劇中飾演君好的佘詩曼亦透過電話表示對重播成績不俗高興：「大家仲掛住初哥哥同君好，估唔到相隔咁多年，大家仲咁支持。」
文：影視組