馬錢慧儀call友重啟夜生活
名媛馬錢慧儀既是事業型女性，亦要同時兼顧三位子女的學業和興趣活動，過往18年來，可謂分身乏術，惟有放棄社交應酬，今年孻女亦出國留學，感覺恍如重獲「自由」的她，開心呼籲朋友相約晚飯。
職場女性又要兼顧家庭，少一點魄力也不行，育有三名分別18、15及12歲子女的馬錢慧儀（Winnie），對於兒女們的功課學業，從不假手放於補習社，過往她一直陪太子讀書，試過出外用膳時，子女隔着電話問功課，漸漸地她開始戒絕晚飯應酬，將全部時間都投放在子女身上：「我啲朋友個個都知我唔出街食晚飯，細路咁多功課，又要跟默書測驗考試，我係24小時媽咪加補習老師。」問到夫婿馬清揚有否做「代補習老師」？她笑說：「有次老公話我做乜鬧大仔寫生字唔靚，我就交畀佢試吓，結果返到屋企攞本生字簿一睇，啲字肉酸到不得了，要擦晒從頭寫過；男人有好多種類型，但幫仔女睇功課嘅男人，只得一個類型，子女功課學業，永遠唔可以交託畀爸爸。」
重臨時裝周睇騷
繼兩名兒子赴英留學，今年連細女也赴英國，感覺重獲自由的Winnie，回想過往的日子，她說能夠陪伴子女成長是一件很開心事，絕對值得，而現在終於可以做自己喜歡的事，更是開心。早前她便與女友人到巴黎欣賞時裝周，廿年前她曾擔任時裝採購一職，在巴黎與米蘭的時裝周，留下不少足迹，但現在重臨舊地，心情完全不一樣：「以前睇騷，腦裏面不停計數，要記住睇晒嘅嘢，依家係好享受咁欣賞一個騷背後嘅製作，心情好唔同。同埋我想呼籲番啲舊朋友，依家我可以出街食晚飯喇，歡迎約我。」
孖老公齊做善事
除了重臨時裝周，Winnie亦希望放多點時間做慈善工作，近月便經常陪伴老公出席東華三院的慈善活動，她說：「其實由老爺開始，就同東華三院好有淵源，老爺曾經連任兩屆主席，史無前例，之後馬清偉（大伯）曾經係最年輕主席，依家到我老公做總理，我想配合佢一齊做多啲善事，回饋社會。」
文：名人組