張達明抽水玩小生醉Bob

「抗癌戰士」張達明與組合農夫成員陸永及C君昨日為明年三月於伊館舉行的《威利來干邑呈獻:達明農夫已經爆咗棟篤唱》拍攝宣傳海報,達明笑言今次除了爆場、爆料,最重要是大家「爆笑」,望以棟篤唱為港人釋放壓力,又表示孖住兩個後生仔開騷可以為棟篤唱增加時代感,連拍攝海報的衣着都史無前例試hip-hop look。

叫陸永C君互片

講到開騷可會大講時事議題?三人先搞笑地互相推搪,再由達明代表發言:「咁梗係有啲啦,我哋都係社會一分子,逃唔到出嚟,好似之前港鐵唔畀帶大提琴咁,都係生活相關避唔到,不過到時就會用啲新啲議題。」三人又即場發功對近日娛圈大事抽水,達明先提議農夫效法「謝賢摑曾江事件」,在記者會中「互片」,農夫則笑言:「最緊要唔好同阿Bob(林盛斌)個騷撞期,如果唔係就係真要鬥醉先夠搶眼。」明抽早前參加婚宴時醉爆咀梁烈唯的阿Bob水。

增磅開騷體力OK

談到近期的身體狀況,表現得龍精虎猛的達明表示:「體力OK啊,最好係有農夫幫手攝吓,比上次同佢哋合作好好多,嗰時極限係(行)三級樓梯。」農夫又爆料指達明之前為了有更充裕的時間增肥,提議推遲影海報的日子,達明笑言距離增肥目標已經成功了一半:「由度橋開始已成功增肥5磅,目標在開騷時增夠10磅。」

文:音樂組