蔚雨芯神婆怕撞邪

女藝人蔚雨芯（Rainky）及「鬼王」潘紹聰等日前到西九龍宣傳將演出的舞台劇，提到劇目屬靈異題材，Rainky表示其角色被鬼纏，幸好排練過程尚未撞到「污糟嘢」：「但加埋演員個裝扮同舞台效果，都幾驚！而且我哋會喺全港最猛鬼嘅場度演出！（本身信靈異事？）信o架！我最多係Feel到，未見過，但我都係神婆，出Trip會諗好多嘢，例如隻鞋唔會平排放，否則『佢』會踩上床！我都幾細膽，但為咗工作可以頂硬上捱到。」