Coffee白雲關宛珊闖鬼屋勁嗌

藝人林芊妤（Coffee）、關宛珊（Kimmy）及白雲三位美女早前冒着被嚇破膽的危險，鼓起勇氣到海洋公園「哈囉喂」搵鬼玩，更挑戰了兩間鬼屋，感受從天堂跌落地獄的旅程！

上床集麗鬼

三人首先來到一間以「蘿莉」為主題的鬼屋，屋內裝修華麗，充斥濃厚少女氣息，每個場景都有cosplay「麗鬼」企定定與三女自拍影相，致三人樂而忘返，頻頻「上床」集郵！但環境一轉，來到另一間鬼屋門前，三女已被陰沉氣氛嚇得不寒而慄，白雲更向工作人員求救！結果屋內「厲鬼」成功令三女在五分鐘旅程中發出過百聲尖叫，嚇到花容失色方重回人間！Coffee大讚「殭屍」最可怕：「嗰度有好多隻，分唔清楚邊隻真、邊隻假咁先最得人驚！」

眾女齊齊上床搵「Lolita鬼」影相。	殭屍突然殺出，令三女嚇到踎低。	Coffee被嚇到花容失色。

Kimmy在過程中常加入「鬼列」嚇白雲，她謂即使每年都趁萬聖節搵鬼玩，但仍被嚇破膽：「我年年都係咁驚，『PAY FOR FUN』，我覺得愈驚就愈抵玩！咁你畀咗錢入嚟，就梗係要玩到最盡最恐怖！」

搵猛男壯膽

問到三女搵鬼玩的結伴建議，白雲希望找壯男排陣包圍自己：「最好前後左右都有人圍住我嚟行。」在旁的Kimmy聞言即笑道前面那個人要孭背囊減低被抓損的機會！Coffee則討厭與太大膽的人同行，認為他們令旅程掃興：「大家入鬼屋都係要畀人嚇，佢就喺前面話假話假，仲會走埋去啲暗位叫隻鬼出嚟，好掃興！」

文：影視組

攝：李柏儒

場地：海洋公園