鍾舒祺 舒漫鬧交增感情
歌手鍾舒祺（Sukie）罕有穿上泳衣，大晒青春本錢。跟姊姊鍾舒漫出名感情要好的她表示對方是自己的精神食糧，特別是當自己處於心情低谷時，但她亦不諱言經常跟對方為小事吵架，但卻不會傷感情：「鬧完即刻笑o架，笑完又鬧，鬧完又笑，我哋十句有九句係廢話。（咁父母見到你哋咪好開心？）係o架，佢哋見到我哋走埋一齊就笑。」
和家人關係密切的她亦透露每年都會全家去旅行：「嚟緊想試吓帶爹哋媽咪去吓啲攀山涉水先去到嘅小島，然後島上係一片寧靜，得個大海。」講到工作方面，Sukie透露想繼續以單曲形式出歌，亦有意跟姊姊再合作，但最想的就是開騷：「希望開啲近距離嘅騷，之前喺台灣我都做咗好多近距離嘅小型演唱會，好warm！」
服裝：This is a love song @ Jam Room