巴喇莎思想Open性感唔濫交
外號「巴喇莎」的模特兒鄧欣寧經常性感示人，故常常被人加上「開放」的標籤，不過她強調性感不代表濫交，又澄清自己不是為露而露！英國長大的她為興趣來港讀碩士，更笑言有意當主治兩性關係的心理醫生。
巴喇莎自小在英國生活，數年前獨自來港，除擔任模特兒外，最主要是修讀有關心理學的碩士課程。她謂：「呢科真係有興趣，諗過做心理醫生，可能將來可以主打輔導大家喺兩性關係方面嘅問題。」她坦言不習慣香港的生活，更曾經想過回英國：「唔慣呢度嘅天氣好熱，好多人，好大壓力，啲人行得好快，好鍾意跑去搭車。（想返英國？）想，但愈做嘅嘢愈多，應承人嘅嘢愈多，唔想突然之間退出。」
不愛保守男
曾拍攝Super Sexy Hero性感寫真的巴喇莎，認為性感不代表隨便和濫交，但笑言性感會導致嗌交：「有異性試過畀說話我聽囉，但通常嗰啲就唔會成為到男朋友，唔係唔可以介意我着衫嘅性感程度，而係做得我男朋友嘅，就應該知道我係純粹因為件衫靚或者好舒服，而唔係attention seeking嘅，唔係專登暴露。」巴喇莎認為另一半最重要是心地善良，思想不能太保守：「過往男朋友可能喺外國讀書或者係外籍人士，思想上冇咁保守。」
文：音樂組
攝：倪立煌
Make-up：劉慧恩