楊埕泰拳收身備戰國際小姐
有「清純栢芝」之稱的楊埕將代表香港出戰在東京舉行的國際小姐賽事，最近她接受口才、儀態及才藝各方面訓練，亦狂練泰拳收身。
楊埕說：「近排運動量都多，每日打拳健身跑步，有時攰到行唔郁，但要自己上台最靚，會出盡毅力！希望手臂同腰再Firm啲，相信每日運動實有成效。（驚身材唔夠外國高大女仔？）會呀！始終香港女仔比較細粒，所以高跟鞋要訂造20cm，同埋身材瘦啲睇落會高啲。」自認為食的她表示要戒食最愛的薯片及甜品：「呢排要食少啲澱粉質，多食菜同白肉，仲有水果唔可以夜晚食。」
場地：Swich Club