文凱玲床戰嫌何浩文大隻

文凱玲在新戲中衝破性感極限,與幾個男演員有連番床戲,但卻對何浩文的「對手戲」毫不期待:「唔係幾鍾意男仔太大隻!」而她亦透露自己為練出完美體態,不惜每日節食狂跑,務求再在大銀幕上行「股」惑!

影星文凱玲(Connie)近日接拍新戲《鴨王2–雞同鴨戀》,更首度擔任第一女主角,之前於電影《唐伯虎衝上雲霄》擔任第二女主角的她,就曾在戲中演出香艷露股戲,令宅男鼻血直流。而今次飾演四線女星兼妓女的她就不諱言會更上一層樓,並預告戲中性感場面多不勝數。

有大膽親密動作

Connie說:「雖然唔會露點,但再大膽啲。上次沖涼露股係自己幫自己沖,但今次會有啲好親密嘅『動作場面』。」問她是否期待與「鴨王之王」何浩文床戰,她笑謂:「其實我唔係幾鍾意男仔太大隻,而且同佢太熟喇!」又透露會與其他男演員有「對手戲」。

為了以最佳狀態演出,本身經已充滿曲線美的Connie每日狂做運動令體態推至極限。問到日日跑足5、6公里兼節食的她會否吃不消,她承認有點辛苦:「之前要弗都係不停做運動,但唔會cut自己嘅食量,今次就試吓去盡啲,第一次食咁少嘢。」

自知上圍冇睇頭

問她怕不怕上圍縮水?她說:「本身都唔大!不過始終嗰度都係脂肪,點都有少少影響嘅。不過嗰度從來唔係我賣點,如果要睇上圍,全部都有睇頭過我,惟有操靚啲個籮柚啦!」又笑指自己除了pat pat外,最大賣點是幾近完美的腰身:「唔係愈大就愈好,唔係個個男人都鍾意大o架!」

文:影視組