周柏豪book定女友過大海

藝人周柏豪、鄭嘉穎等昨晚出席品牌頒獎禮，柏豪12月將首次在澳門新濠影滙綜藝館開騷，他表示聽聞門票反應熱烈，公司正考慮加場。問到可會帶同女友前往？他說：「睇時間，都係個幾月之後嘅事。（book定佢先？）要book嘅咩？好似睇醫生咁。」他又謂之後有其他演出，未必有時間與女友留在澳門玩。
周柏豪透露其澳門騷反應熱烈，正考慮加場。
周柏豪透露其澳門騷反應熱烈，正考慮加場。

提到嘉穎與女友陳凱琳（Grace）被影到後發惡一事，嘉穎表示一直與記者互相尊重：「對方想訪問，我拒絕咗，遠距離影冇問題，近距離造成滋擾就有問題！」問到Grace可有被他嚇怕？他說：「我平時唔係咁，某啲情況先係咁。（佢撐你！）我都係講道理啫，如果我冇道理佢都撐我，我反而會唔開心！」

鄭嘉穎表示與記者一向互相尊重。
  • 鄭嘉穎表示與記者一向互相尊重。