麥浚龍殺入紅館 再拍電影
歌手麥浚龍（Juno）的《羅生門》推出後成大眾追捧對象，新專輯面世亦反應理想，連Juno都承認有意下一步殺入紅館開個人演唱會，更有投資者願意出資將《羅生門》拍成電影，Juno稱：「睇吓謝安琪同莫文蔚佢哋點睇啦，佢哋OK我OK。」
雲集中外樂壇猛人的《軒尼詩炫音之樂2015》將定於下月十三日在亞洲博覽館舉行，分別邀來唱作歌手曲婉婷、澳洲女子組合The Veronicas及同樣來自澳洲的男歌手Tim Omaji，香港代表則找來剛推出全新專輯的麥浚龍。昨日Juno連同獲委任為社交媒體大使的黃芷晴及新人劉卓軒一同出席記者會，芷晴以紅色Tube Dress亮相，相當養眼。
籌備明年開戲
Juno的新專輯面世後反應理想，他透露：「尤其特別版專輯已經一早無晒。」他又稱正為明年開拍的新電影做準備：「落實咗明年農曆新年後開拍，其實我已經同步做好咗另一張專輯，會喺明年我拍緊戲時推出，大部分演員已經落實咗，不過未講得住。」
而自歌曲《羅生門》推出後廣受歡迎，不少人提議Juno開個人演唱會，對此，他說：「都要完成晒套戲，起碼都要2017年，都有投資方想我將《羅生門》拍成電影，我都好有興趣，睇吓謝安琪同莫文蔚佢哋點睇啦，佢哋OK我OK。」
黃芷晴有口福
至於黃芷晴近來正忙於為即將公演的舞台劇綵排，她稱劇中跟黃淑儀（GiGi）合作，每日都口福無邊，更因而增磅：「GiGi姐每日都有好多湯水同好嘢食，呢排我都Keep住食。」她又稱父母在公演時會捧場。
文：音樂組