Mizaki@FFx怕鬼 縮沙爆喊

有線選了亞洲十大恐怖地點之一的達德學校作為拍攝節目《我們都是這樣撞鬼的》，並安排數十人進行集體通靈，主持梁思浩稱節目以「百人通靈」為指標，將申請打破健力士紀錄。

擾擾攘攘驚動警察

為了讓更多嘉賓感受恐怖氣氛，邀得女子跳唱組合FFx、艾美琦（Amy）和黃夏蕙以嘉賓身份參與通靈儀式，惟FFx成員Mizaki（潘穎琳）因怕鬼在場外爆喊不肯進場，節目監製多次現身催促她進場，並與現場記者及FFx經理人Sam議論，場面混亂加上現場聚集了眾多人，驚動警察到場了解。

爆喊的Mizaki自認極度細膽：「我好驚呢啲，假鬼屋都唔敢入。（咁驚又嚟？）其他成員都嚟，要一齊團結。（工作人員要你入去喎？）唔知點算，好驚，因為之前聽過有朋友嚟完呢度就有事。（家人知你嚟？）知，家姐畀咗護身符我。（唔拍驚唔驚要賠錢？）睇公司安排。」

FFx經理人Sam不想逼Mizaki入廢校。	面容扭曲	警察到場

夏蕙姨：feel到有嘢

其經理人Sam直言早已知會有線Mizaki可能無法入內拍攝：「講咗佢會爆喊。（拍攝收幾錢？）車費，唔通因為咁逼佢入去咩！」問到在場的Amy及黃夏蕙是否怕鬼？夏蕙姨說進行通靈儀式時感到不適：「個心唔舒服，好憂鬱，feel到有嘢（鬼）喺度！」

Amy則自爆帶了法師開光的飾物「護體」：「不過拍攝時要除晒飾物就驚囉。（頂硬上因酬勞很高？）今次好難得，咁多人通靈，想破健力士紀錄。」另外，前晚因公關安排有失誤，採訪過程擾攘，最後梁思浩要出道歉信致歉。

文：影視組