鄭文雅水喉管墊背 瞓醒鬆晒

鄭文雅跳護脊操，並分享護脊心得。

昨日前港姐鄭文雅以「護脊大使」身份出席世界脊椎日活動，同場還有「護脊之星」陳明恩，二人更一同帶領即場跳護脊操。其中鄭文雅透露成為大使五年，期間會到學校教導學生護脊知識。問她可有脊椎問題？她表示自己膊頭經常太緊，原來因為頸椎太直，她說：「我用毛巾墊住膠水喉管，放喺背脊雞翼位置，瞓咗年幾就鬆番好多，（有冇叫老公幫你按摩？）冇喎，佢都要同我一齊瞓水喉管。」

大方公開芳齡55

她又在台上分享護脊心得，大方透露自己已經55歲，問到不介意公開年齡嗎？她笑說：「任何人喺網上都可以查到我幾多歲，所以唔係秘密，而且我就係想話畀人聽，我都有番咁上下年紀，但唔代表脊椎一定有問題。」她表示自己有教高爾夫球，同時兼顧拍照及自己的陶瓷工作室，因此更加需要有健康的體魄來應付工作。

鄭文雅以毛巾包水喉管瞓覺，老公虞哲揮陪瞓。	陳明恩獲父母撐場，笑言雙親十分支持她入娛樂圈。	陳明恩現場高歌贈興。

陳明恩雙親撐場

而同場的藝人陳明恩就獲父母撐場，她透露父母在港已39年，父親是傳教士，母親從事英語教學工作，現在視頻上教導非洲學生英文，笑言父母都十分支持她入娛樂圈。文：名人組