陳國邦離巢 曾勵珍：唔可惜

蓋鳴暉昨出席鳴芝聲劇團生日會，同月生日的她笑言與劇團關係唇齒相依，更希望能有場地讓粵劇繼續發展。無綫高層曾勵珍到場祝賀，並談到陳國邦離開無綫，她說：「我都唔了解，不過唔緊要，人各有志，TVB 48年來都培養咗好多人，依家都仲培養緊新人。（覺得可惜？）唔可惜嘅，因為佢仲喺呢個圈活躍緊，世界係圓嘅，話唔定佢玩完一輪返嚟，公司都歡迎佢。」

對於曾勵珍以「唔可惜」形容陳國邦離巢，剛從台灣返港的國邦，由太太羅敏莊接機，並作出回應：「珍姐講嘅全部都係事實，我就唔覺得佢講嘢刻薄，我認識嘅珍姐係個好人。佢講嘅唔係門面說話，只係外界聽落好似好表面。（怕老公嬲？）阿邦唔係一個容易被激嬲嘅人，即使佢寫信時都唔係嬲，唔排除將來再合作。」

陳國邦剛從台灣返港，老婆羅敏莊前往接機。
  • 陳國邦剛從台灣返港，老婆羅敏莊前往接機。