謝安琪勿進籠放笑彈Juno恨睇人妻全相
謝安琪（Kay）前晚舉行世界巡唱澳門站演出，期間施展人妻誘惑，換上多套性感戰衣，就連名草有主的嘉賓麥浚龍（Juno）也難敵女神魅力，自薦幫女神換衫。Kay又搞爛Gag問Juno：「如果面前有隻猛獸喺個籠度，我想走入個籠，你會同我講乜？」Juno靈機一觸謂：「麥浚龍（勿進籠）！」
謝安琪為紀念入行十周年而舉行的《拾回謝安琪數愛世界巡迴演唱會》，前晚假澳門威尼斯人金光綜藝館開鑼，開場前台上播放電腦特效及雷射燈光，展示Kay十年來的代表作歌名，之後化身「水銀戰士」的她從舞台中間出場，並以兩首快歌打頭陣。
首度現場唱神曲
Kay換了幾套性感戰衣登場，期間穿上百老匯歌舞式閃裙與六位性感女舞蹈員搔首弄姿。一輪熱舞後，屏幕出現麥浚龍《羅生門》MV的個人部分，再由Kay接着對唱，此時以全黑打扮的Juno驚喜現身合唱，今次亦是兩人首度現場合唱這首年度神曲。
獻唱後Kay與Juno抱抱，Juno自言不擅詞令，加上動作不多，有同事提議訂造「假貨Juno」頂替他：「同事話幫我造一個紙牌人，演出時我就唔使真身上陣。」Kay又搞爛Gag問Juno：「如果面前有隻猛獸喺個籠度，我想走入個籠，你會同我講乜？」Juno想了幾秒後靈機一觸謂：「麥浚龍（勿進籠）！」
舞衣太大狂下滑
事後二人受訪，Kay透露演出時險出醜，因其中一件舞衣Size太大，令衣服不斷下滑，幸有工作人員衝上台幫忙換衫。在旁的Juno無懼女友戴庚玲呷醋，自薦做Kay的「御用換裝師」：「你之後嘅演出，換衫位置可請我做。」 文：音樂組