糖妹做「一哥」 唔眼紅
歌手糖妹昨日身穿背心短裙出席室外迷你音樂會，無懼天氣轉涼自彈自唱多首歌曲。受訪時她坦言想盡快舉行大型個人音樂會，但要先儲多些歌：「今年自己歌都未做晒，冇理由成個演唱會都係cover人哋(o既)歌。」
講到新加盟唱片公司的周國賢下月又開演唱會，覺得公司偏心？糖妹笑言：「嗰日周國賢話做『一姐』，咁我做『一哥』啦，依家同佢同公司，希望有機會可以一齊合作。（有指公司入紙幫佢申請紅館騷，眼紅佢？）唔會啦，佢係前輩，佢係應該開。」下周五（16日）生日的她透露當日要在澳門工作，願望可想識個男朋友？她笑言：「不嬲，呢個係長存(o既)願望，不過唔強求，我遲啲會去台灣同內地宣傳，可能我真命天子喺第二度呢。」