林家棟谷戲 棄裸泳要拆樓
電影《死開啲啦》監製林家棟昨日率領片中演員林德信（Alex）、雷琛瑜（J.Arie）以及河國榮到太古城戲院出席活動，家棟直認新片獲一致好評，惜票房一般，現與戲院方面傾談爭取更好的放映時間及場次，問他會否以「裸泳」谷票房？家棟笑言：「唔會喇，《死開啲啦》唔需要裸泳。（萬聖節當日搞噱頭？）拆樓囉，拆咗自己棟樓。」
Alex及J.Arie都表示會包場看戲，J.Arie說最近收到幾間戲院full house的好消息：「導演仲話係『大奇迹日』！」Alex因為獲影評人讚演技十分高興！此外，前晚他在《善心滿載仁愛堂》活動中透露，《死》片的攝影師與爸爸林子祥以前拍的影片《一咬OK》是同一人：「爹哋睇完套戲畀咗三個字我，話『做得好』。」
