「波神」被擦鞋 笑騎騎
「波神」米高佐敦於香港神出鬼沒，又快閃出騷，行蹤極之飄忽，這位黃蜂班主昨日終於坐定定，在深圳大運體育中心與傳媒會面，逗留約半粒鐘才鬆人。期間「波神」更被快艇班主巴爾馬當眾擦鞋，笑到MJ見牙唔見眼。
NBA中國賽昨日在深圳大運體育中心開戰，佐敦賽前聯同聯盟總裁阿當施華及快艇老闆保曼出席記者會，由I.T.人轉型做NBA班主的保曼說：「我轉行都係因為米高佐敦，細細個打波唔叻，但又好鍾意MJ，所以收購隊NBA球隊，親近吓佢！」大家都係班主，保曼都要擦MJ鞋，證明「波神」幾有江湖地位！而影星余文樂亦被發現在場睇波。
