周秀娜愛大男人 唔介意被管

「宅男女神」周秀娜昨日出席潮州節活動，自言是潮州妹妹的她，坦言不怕找出名「大男人」的潮州人做另一半：「我自己都係『男人』，屋企男仔多，由細到大同細佬打架大，不過我都想做小女人。（大男人咩都管？）我唔驚，男人管住你，代表錫你，如果唔care你，睬你都傻！細個同兩個細佬打架，女上男下，騎住佢哋打，我係大女人，佢哋會讓我，不過大女人遇到自己鍾意嘅人，都會變小女人。」她又指最近學煮蠔餅，又笑言煮蠔餅如同揀男友：「如果可以整鍾意嘅款式仲好，獨一無二！」