唐貝詩嫌港司機躁底

唐貝詩昨日以「中西區交通安全大使」出席宣傳活動，她表示：「我都有揸車，覺得香港好多司機好心急，易躁底。（試過被人爆粗？拍片？）拍片未試過，但遇到人嘈會唔理佢，冇人同佢互動，佢就唔鬧。」她又謂會以身作則：「做咗大使更加小心，唔可以被人捉到違規，不過我都唔識開快車。（港姐龐卓欣自拍冇佩戴安全帶都被網友捉！）如果我要自拍，會停咗架車先，因為我處理唔到，連校細個冷氣，都要停埋一邊搞。」