龍小菌盜竊案甩難行超市心慌慌

歌手龍小菌於今年6月10日在超市涉嫌偷竊蔬菜、菇菌等，總值120元貨品，被保安揭發及報警處理，事後被控一項盜竊罪。昨日在東區法院再次出庭審訊，庭內小菌表現惆悵，控方最終撤銷控罪，准她以守行為方式處理，裁判官判她自簽1千元、守行為一年。

警報誤鳴嚇一嚇

完審後，小菌直言感激控方不提控，又多謝律師團為她與控方達成共識。她更自爆因今次事件而患上「超市恐懼症」，連警報誤鳴都驚一餐：「以後會更加小心，唔會再咁大頭蝦冇畀錢就出門口。我之前又有次試過拎住個手袋出（超市）門口警報誤鳴，嗰吓都驚一驚，吓又嚟？」

事隔四個月小菌終可放下心頭大石，坦言曾一度擔心會因而留有案底：「都擔心（口架），屋企人之前都成日關心我事件進度。因為我好多嘢都少同佢哋講，好似我蒙面唱歌都冇話佢哋知，依家終於一天都光晒。」正在港大修讀中文系碩士課程的她表示，終可專心學業和其他工作。

感謝經理人支持

及後，小菌又在網上上載一張望海相感謝身邊支持的人：「謝謝大家！謝謝謝謝我的家人，特別是我的媽媽，她每日每夜都在擔心……謝謝經理人邵子風，無論白天黑夜，只要我有事要你幫忙，你定必出現左右，也謝謝蝦頭～……謝謝控方同意我只是忘記付款，不提控訴。我以後不會再這麽大頭蝦了，感激不盡！」

案件編號：ESCC 2932/2015

文：音樂組