薛家燕昨日出席防乳癌宣傳活動，談到電台拍檔阿Bob在錢國偉婚宴上疑因醉酒與陳小春發生衝突，她說：「佢醉咗就上台搶咪，四圍錫人，我都中過招，但知道係佢就冇嬲，如果我喺度都會做和事老。」
范振鋒與太太李思欣昨日出席活動時提到老友阿Bob，他說：「佢如果要開早或開咪，就抑壓住一滴都唔飲，否則一飲就好勁，我相信佢會上台，應該係搞氣氛，反而唔信小春做歌手會掟咪，佢哋私底下好friend，會即刻攬頭攬頸，佢成功嘅因素係整禍件事，你又嬲佢唔落，好快搞番掂，飲咗酒係會放大件事，其實笑料一則，佢飲醉就大聲講嘢，口水噴晒落人哋塊面。」
