Twins跨年騷 粉絲搶飛塞爆網

萬眾期待的Twins《#TWINS#LOL#LIVE#IN HONG KONG》跨年演唱會將於12月31日起一連四日假紅館舉行,再次掀起搶飛熱潮!昨日門票公開發售,Twins經理人霍汶希透露收到不少粉絲的投訴,指售票網一度癱瘓,未能成功進入網站購票。

對於門票反應熱烈,蔡卓妍說:「希望到時畀到歡樂嘅時光大家!」而鍾欣潼則謂心情複雜:「又開心又唔開心,唔開心就係好多粉絲買唔到飛,希望可以加多幾場!」

另外,Twins在演唱會的宣傳片中,化身型格狙擊手,擺起姿勢時可謂有板有眼!