傅穎鼻直頰脹自覺有進步

屢被傳整容的傅穎昨晚出席活動時鼻子看來更筆直，雙頰蘋果肌位置更是脹卜卜的，被指樣子又變得精緻了，對此她說：「多謝你哋，每次我出嚟都話我個樣精緻咗，都咁多年，可能太耐冇見我，印象停留咗喺十幾年前。（你啲朋友有冇覺得你唔同咗樣？）十幾年、幾個月、幾日你哋都話我個樣唔同咗，我keep住回覆都冇乜意思，你哋無非都係想知我有冇整過。大家覺得有就有，冇就冇啦，已經到咗一個唔需要解釋嘅地步。（咁你自己覺得呢？）我自己覺得係我愈大愈進步，識打扮識化妝，我睇番自己十年前個樣都有啲驚訝。」