基仔苦練扭籮勁舞念張國榮

古巨基將於後天舉行《我們》世界巡迴演唱會深圳站，連日來基仔密鑼緊鼓進行終極特訓，而古太Lorraine全程做「跟得夫人」陪練舞，實行以行動來打氣。

自從基仔在內地歌唱節目《我是歌手3》重新演繹張國榮金曲《Monica》後大獲好評，今次會將表演再次帶上舞台，他排舞時重現扭籮、單手握拳等經典動作，Chok爆全場。基仔表示一直視張國榮為偶像：「佢係我非常尊敬嘅前輩，呢首歌都係我好鍾意嘅作品。呢次喺演唱會上嘅全新演繹，都係想向佢致敬。」

舞蹈底子一般的基仔今次挑戰自己，加入了不少勁歌熱舞，他坦言練舞要花更多心機：「要認真學習每一個動作，同舞蹈老師一齊斟酌每個細節，雖然自己舞蹈天分唔強，但我會比其他人花更多時間去努力練習，所以自己好有信心。」

除了連場熱舞之外，基仔屆時更會大玩「穿越時空」，演唱三代天團Beyond、五月天及TFBOYS的歌曲，由八十年代唱到當代的至潮新歌，由於TFBOYS是內地少年男子組合，不少粉絲期待基仔會返老還童「賣萌」獻唱。

文：音樂組

基仔苦練扭籮 勁舞念張國榮