冇見翁杏蘭8年袁詠儀難得會好姊妹

張智霖、袁詠儀、薛凱琪前晚出席首映活動，袁詠儀更帶同同屆港姐好友翁杏蘭、姚康莉到場，袁詠儀表示：「我哋三個一直有聯絡，友誼已經25年，已經8年冇見翁杏蘭，上年佢返嚟我去咗拍戲，未生仔之前我哋每年一齊去旅行。」翁杏蘭則透露在芝加哥居住任職電腦工作，已結婚十多年，暫時未有小朋友，她說：「每次走都唔捨得，我都見過靚靚個仔，好靚仔、好得意。」
（左起）：姚康莉、翁杏蘭、袁詠儀、蔡一智、蔡一智太太、張智霖 <br>袁詠儀直言與好姊妹一直有聯絡，但很難聚頭。
（左起）：姚康莉、翁杏蘭、袁詠儀、蔡一智、蔡一智太太、張智霖
袁詠儀直言與好姊妹一直有聯絡，但很難聚頭。

而薛凱琪日前由馬來西亞乘國泰航空回港遇上颱風發生九霄驚魂，她說：「飛機香港降落唔到去咗台灣，台灣又落唔到飛咗去廣州，以為自己就嚟死，不停咁祈禱，就算有事都等我父母唔喺度先，好似累咗佢哋咁。期間又好肚餓，食咗成排餅乾，隔籬個男士不停咁安慰我話冇事嘅。（有冇交換電話？）冇，我唔信呢啲機上情緣嘅，同埋佢應該同我Daddy差唔多年紀。」

薛凱琪重提九霄驚魂，以為自己當時就嚟死。
  • 薛凱琪重提九霄驚魂，以為自己當時就嚟死。