沈慧林逆市擲千萬出錶
今年零售市道淡靜，「港產陀飛輪」萬希泉創辦人沈慧林（William）坦言本地生意額下跌了兩成，逆市中他仍決定豪擲近千萬，與迪士尼合作，推出《星球大戰》（Star Wars）限量版陀飛輪腕錶，他說：「其實我喺簽約之前都有一絲猶豫，因為喺所有嘢都未做之前，已經要畀七位數牌照費，即係好似簽個明星代言咁。再加埋造錶成本、廣告費等等，加埋都差唔多成千萬。」
William更請來音樂人兼設計師雷頌德操刀設計此聯乘腕錶，並將於12月面世，他說雖然今次投資大，能藉此將香港品牌提升至國際水平，物有所值！另外，他亦計劃於世界各地開設分店，以彌補香港區的跌幅：「品牌依家喺香港、大阪同青島有專門店，嚟緊會喺澳門開，又喺新加坡、杜拜、台灣等地洽商緊。」