做人最緊要有自知之明，如果條件不足就唔好勉強高攀，否則浪費時間嘥心機！但總有傻妹唔衰得，好似美國裸模Spencer Scott嘅人生哲學係唔理個人有冇優點，總要挑戰自己弱點，結果又畀佢上到位，叻女！
雖則剝衫騷波哋未算係一種專長，但都唔係人人可以做得到，同時又令各界接受。對於美國裸模Spencer Scott，唔少巴打以為係新女，現年26歲嘅佢其實早於07年出道，同年更成為「Playboy Miss October 2007」，可謂驚震裸模界！假如當年有留意Spencer妹嘅演出，你肯定會話佢好唔掂，先唔講外貌，單係副偈上窄下闊就夠晒嚇鬼啦，點解佢依家身材咁Fit？好明顯係經過後天加工，阿妹亦坦白承認，將原本冇乜睇頭嘅B奶，僭建到人見人讚嘅D波，加上佢節食兼做運動喪操，條腰幼咗，籮柚結實咗，變成如今呢副34D-24-34索到嘭嘭聲嘅靚偈。之但係Spencer由頭到尾都冇話過想做出色裸模，只不過係搵唔到人生目標，16歲完成高中課程後無所事事，就搵啲嘢撈吓，佢喺訪問中表示，對於做Model完全無概念亦無目標，一切嘅認知都停留於搵到錢同周圍飛！
講到底Spencer根本就係懶，懶到學都唔學，諗都唔諗就入行做裸模，佢坦言自己冇嗜好、冇專長，又怕辛苦，而佢知道出嚟社會打工一定會好辛苦，既然做乜嘢結果都一樣，何不去博一鋪，總算有個機會喎！
Spencer喺17歲就飛去洛杉磯，膽粗粗走去成人雜誌自薦做裸模，點知對方安排佢做比堅尼模特兒，相信係同年紀有關。就係咁誤打誤撞入行，一直做到20歲都冇考慮過人生方向，但對於有咩唔夠人哋好佢就輕易發掘到，例如佢偶像係Jenny McCarthy及Pamela Anderson，兩個身材都超火辣，而自己就「微」不足道，於是毫不考慮就去隆胸，而條腰唔夠人纖幼，就節食減肥，發覺效果太慢索性走去抽脂，巴打可以笑佢傻，但當事人連腦都唔使用，邊樣唔掂執到掂，做到人有我有，冇得輸即係有機會贏啦！
簡介：做人懶啲原來開心啲，學似Spencer妹咁，乜都唔諗唔去試，一味只懂抄襲，咁都可以紅，你唔羨慕得咁多，倒不如好好向佢學習好過，最直接方法當然係睇佢嘅社交網，睇吓阿妹今期模仿邊個。此外，呢個網有齊阿妹出道至今寫真預覽及個人資料，好齊料！
網址：https://twitter.com/spencer_scott
出生日期：1989年4月4日
三 圍：34D-24-34
身 高：5呎4吋
撰文：祖