嘟嘟巴黎睇騷偷拍名模

鄭裕玲（嘟嘟）3日在巴黎現身Elie Saab春夏時裝騷，身穿高貴黑色喱士裙的她與台灣女星郭碧婷、星級形象顧問郭慶彬合照。

首次現場睇時裝周的嘟嘟興奮地說：「喺香港睇騷就睇得多，平時都係喺電視睇巴黎騷，親身嚟到感覺好唔同。我仲有入後台，見到好多出名模特兒，佢哋又高又瘦，我有偷影Kendall Jenner同Gigi Hadid，佢哋好年輕，着乜衫都咁靚。（有冇見設計師？）完騷會去後台同設計師打招呼。」

鄭裕玲喜遇設計師Elie Saab。	郭慶彬遇上嘟嘟，變身小粉絲。	在後台的Kendall Jenner（右）與Gigi Hadid，成為鄭裕玲的偷拍對象。

周遊列國

此行嘟嘟為了拍攝節目《Do姐去shopping》，之前已到了澳洲、倫敦，她到巴黎已一周，將多留一星期，因拍攝時間緊迫，只能睇一場騷，她說：「節目下月播出，會有黃翠如、農夫做嘉賓。」提到她與黃子華合作的經典劇《男親女愛》在《東網巨星》App推出的《重播你有say》中成為票王，無綫將於周二（6日）凌晨時段重播，嘟嘟開心的說：「好多謝觀眾投票，套劇都十五年咁耐，大家都仲記得，希望帶到歡樂畀大家。（會唔會再拍劇？）拍劇太長時間，唔會喇，拍吓綜藝節目就可以。」

宋佳現身

郭慶彬能遇上嘟嘟十分開心：「當時熄晒燈見到一個身影好似嘟嘟，望真啲真係佢，好開心，即刻衝過去同佢合照，大家傾咗一陣，好欣賞佢才華。」

另外，大陸女星宋佳亦現身Kenzo時裝騷，之前她在西班牙拍文章的《路遙知馬力》，趁空檔來巴黎工作，逗留四天再歸隊繼續拍攝。首次欣賞巴黎時裝騷的她，欣賞品牌新作，大讚時麾特別，至於她作西裝打扮，認為穿褲子人才活過來，感覺自在舒服。