祖兒疑撞嘢廁格心慌慌

容祖兒前晚在馬來西亞雲頂舉行巡迴演唱會，不過今次馬國之行，祖兒全程被迫化身成「矇」面歌后，事關剛巧遇上印尼耶加達山火事件，令到鄰國也受牽連，雲頂一片白濛濛。

額頭大陽氣盛

由於當地能見度十分低，加上流傳過不少鬼故事，令隨行的工作人員也心慌慌，不過祖兒自認陽氣盛，即使睡單人房也冇有怕：「媽咪今次有同我一齊嚟，佢就住隔籬房，我不嬲覺得自己陽氣重，一個人瞓又唔係好驚，加上我個額頭煎Pan咁大，有咩時擰起照一照就冇事。」她又重提曾在福州遇到「怪男」半夜闖入房間，認為人比鬼更為可怕。

祖兒於騷後跟現場歌迷大合照。	當地歌迷會一盡地主之誼，慶祝祖兒演出成功。	工作排得密密麻麻的祖兒，月底完成工作後便會提早「收爐」，年尾與媽媽旅行散心。

但是當完成首晚綵排後，祖兒與媽媽到按摩店「疏乎」時，卻開始疑神疑鬼，她說：「我入廁所嗰陣見到有兩個人，坐喺度郁都唔郁，去完廁所出嚟就唔見咗嗰兩個人。」誤以為「撞鬼」的她立刻飛奔向媽媽求證：「我問佢『你見唔見到有兩個人喺廁所出嚟？』好彩媽咪話『有呀，係有兩個人出過嚟』，即係嗰兩個係人，唔係鬼啦。」

新衫答謝歌迷

今次是祖兒第五次到馬國舉行個唱，門票一早掃清，為答謝歌迷，祖兒特意為他們訂製新衫。完騷後一班熱情歌迷不肯離開，祖兒惟有清唱歌迷會會歌《Be True》。昨日祖兒回程返港時，因遇上香港懸掛三號風球，令到航班延誤了兩個多小時，她接受長途電話訪問時表示：「我寧願安安全全，Delay就Delay，我反而最怕係架飛機喺空中遇到氣流拋到癲，仲驚！」

文：音樂組