嘉穎護航：會有大躍進

無綫台慶頒獎典禮即將來臨，雖然仍未公布視帝視后入圍名單，但視后選情激烈，主演《鬼同你OT》的胡定欣、《鬼》劇及《無雙譜》的田蕊妮、《收規華》的楊怡，以及《師奶Ｍadam》的黃翠如亦有望入圍角逐視后，而近日在劇集《張保仔》中演技被狠批的陳凱琳（Grace）亦不容忽視，獲無綫力捧重用的她，同樣有望入圍，力拚多位花旦，首次角逐視后寶座！

田蕊妮　讚表現唔錯

由Grace主演的劇集《張保仔》最近亦成為話題之一，觀眾們對她的表現有讚有彈，而當中藝人黃秋生更公開狠評其演技浮誇。而昨日鄭嘉穎出席活動時更為女友護航：「每樣嘢都有過程，一個新人嚟講算唔錯，依家佢係起步階段。」又更直言秋生的批評講得中肯及善意，並對女友信心十足謂：「有信心喺好短時間有大躍進。」

陳凱琳於《張保仔》演出被指浮誇。

楊怡指視后人選睇好胡定欣。

對此，Grace昨日就以英文短訊回覆本報指男友嘉穎與前輩黃秋生的說話都是「reasonable（合理）」及「honest（誠實）」，並表示非常欣賞他們，但就指不想再糾纏於這個話題。至於問到有否信心力壓田蕊妮等女星奪視后，她則以「wonderful」大讚阿田演技有個人風格表現自然，其後她又指自己未係時候奪視后，希望可以慢慢進步。

楊怡　期待愛的宣言

而於視后戰中呼聲極高的田蕊妮（阿田）及胡定欣昨日接受本報電話訪問時，均大讚Grace有熱誠及努力，揚言有留意劇集《張保仔》的阿田更指：「雖然唔係集集睇，但係新人嚟講第一次擔正算唔錯o架啦。」而胡定欣直言明白做新人感受，要累積經驗，支持對方有進步空間。至於《張》劇監製梁材遠亦力撐Grace有天分：「個角色好複雜，我哋拍嗰陣都好催谷佢，但佢pick up好快，見到佢係仲進步緊！」

而藝人楊怡昨日出活動時就表示睇好胡定欣：「視后我會投畀胡定欣，不過就叫屋企人投畀我。」被指與男友羅仲謙好事近的她被問及會否期待男友發表愛的宣言時，她則指：「好多嘢都期待嘅，有期待先有希望o架嘛！」

文：專案組