蔡少芬虎媽教囡

藝人蔡少芬（Ada）與老公張晉，前日三號風球下現身某商場，帶大女張信兒（湯圓）及細女張楚兒（包子）行街，享受難得的Family day。雖然同行還有一名女士幫手推ＢＢ車，但兩公婆全程落手落腳湊女。
張晉與蔡少芬拖兩女行街，細女包子更跳跳紮冇時停。
張晉與蔡少芬拖兩女行街，細女包子更跳跳紮冇時停。

穿上螢光黃「母女裝」的三母女，加上爸爸張晉一行四人拖到實。精靈的包子更邊行邊跳，玩到頭髮都亂埋，認真萌爆！其後，包子更嗲爆向爸爸索抱，張晉即「廿四孝老竇」上身，二話不說抱起愛女行去停車場。而尾隨的湯圓卻沿路乸埋口面扭計，蔡少芬見囡囡唔聽話即手指指訓話。

眼見囡囡扭計，蔡少芬即虎媽上身教訓一番。
  • 眼見囡囡扭計，蔡少芬即虎媽上身教訓一番。