Kendall Jenner當紅新寵

Kendall Jenner

「佢依家係國際超模，紅裙好應景！設計好有60年代懷舊風格，配合蓬鬆髮型，散發甜美少女味道。加上佢係名模，將條裙演繹得更fashionable。如果想再令造型更圓滿，可以加幾隻彩色膠手鈪，更加60年代feel！」

Katy Perry閃金搶眼

「係經典紅地氈晚裝，金色夠晒搶眼，貼身剪裁着得身材好豐滿，玲瓏浮凸，高衩設計仲能展示美腿。金色閃片已經夠睇頭，同埋高領設計，唔需要再加accessories襯托。」

Katy Perry	Rita Ora	侯佩岑

Rita Ora透視誘惑

「睇得出佢為呢個造型好落力去打扮，條裙用咗特別刺繡工藝，配合喱士，若隱若現展示神秘性感，感覺時尚型格。而且突出豐滿上圍，吸引中外攝影師捕捉，非常吸睛！」

胡杏兒	陳喬恩	王麗儀

侯佩岑淑女韻味

「感覺大方得體，唔會出事，呢個品牌服裝嘅作風向來都係以美式簡約為主，唔花巧，而侯佩岑着出品牌嘅簡潔、淑女韻味，佢夠高夠瘦去演繹，着得好睇。」

胡杏兒感覺沉重

「其實呢套衫係好難駕馭，外套、衫同褲都好長，加上集合好多唔同圖案，着起嚟感覺好重，幸好佢夠高、瘦，都OK，但如果有第二個選擇會更佳。」

陳喬恩簡潔平淡

「白裙冇圖案好簡潔，但出席時裝騷就較為平淡咗。應該加條粗belt，令腰線更明顯，下身換上booties，感覺會型格啲；如果襯幼belt就可以保留尖頭高跟鞋，會更優雅。」

王麗儀 Profile

王麗儀（Janice Wong），時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。