周永恒死過翻生送卡氹女兒
為「小三」輸了頭家的周永恒（Roy）連日來「動作」多多，繼Facebook自爆險死，留言求分居太太趙頌茹（阿Yu）原諒後，前晚又神秘現身醫院。昨日Roy自認怕死：「我冇自殺！」而適逢二女愛希三歲生辰，阿Yu三母女慶祝生日，孤零零的Roy只得隔空送卡表父愛。
周永恒和阿Yu分居後已約一年未見過兩個寶貝女信希和愛希，身為父親的Roy日前自爆晾衫時險跌落街，隨後又見他現身伊利沙伯醫院，令人懷疑他想自殺尋死。
稱冇醉玩Parkour
昨日Roy在家中接受本報專訪，承認與「小三」Ruby（劉依靜）分手，加上外婆入院及自身問題致情緒抑鬱，但不是外界所猜測的自殺。Roy續道出另一「險死」版本：「其實嗰晚約咗朋友喺工廠大廈天台玩極限運動Parkour，喺啲圍欄度跳嚟跳去，有吓跌咗出欄杆出面，好彩隻手夠力拉番自己上嚟，啲朋友都嚇到傻咗。」Roy稱跌出去一刻，想起阿Yu和兩個女兒，很掛念三母女，所以才寫文求原諒。
問到是否飲酒醉跳？Roy堅稱：「我不嬲唔飲酒，不過平時Parkour我喺公園玩，天台係第一次。（驚死？）梗係驚啦，成二十幾樓，跌落去一定死！（點解喺醫院出現？）食錯嘢，尋（昨）日食完個早餐就不停嘔啦！」Roy稱最黑暗期已捱過，由阿Yu離家出走到要告上法庭，如要自殺早已死。Roy昨日精神尚算不錯，更到屋企樓下公園重演「險死一幕」。Roy將指示牌視作當晚天台圍欄一躍而上，又跨來跨去，繼而再跳回欄杆上，他覺得當晚可能狀態不佳，身手不太靈活，才險失手喪命。
阿Yu為二女慶生
而昨日適逢二女愛希三歲生辰，身為父親的Roy對未能和女兒慶生感遺憾。雖然高掛三號颱風，仍冒雨買生日卡，託記者交給女兒。Roy亦很細心怕大女信希呷醋，多買一張寫給信希。Roy稱可能日有所思關係，曾夢見大女已十多歲，與他一起吃飯和畫畫像拍拖般。至於阿Yu懶理Roy一切舉動，昨日原帶兩個寶貝女去主題公園慶祝，但因颱風改到經理人家中為愛希慶生。
文：音樂組