周柏豪包父母環遊世界

天文台昨日掛起三號強風訊號，歌手周柏豪和糖妹照樣現身尖沙咀出席戶外活動，不少歌迷冒風雨捧場。剛從澳洲舉行完演唱會兼和媽媽一同跳降傘的柏豪，表示仍在回味當時情況：「媽咪話佢由出發到上飛機着裝備時，一直都好平靜，完全冇緊張嘅感覺，但到我一跳出機艙後佢先識得驚，話因為我唔喺身邊喎！」
周柏豪獲歌迷冒雨撐場。
周柏豪獲歌迷冒雨撐場。

周柏豪又稱除往外地登台外，媽媽爸爸平日都會陪他健身：「媽媽就真係陪我一齊運動，反而爸爸就淨係嚟影吓相放上網。」剛從澳洲回來，父母隨即又出發到土耳其旅行，柏豪笑說：「佢哋飛得仲多過我，今年十個月已經飛咗十次，全部都係我負責，所以我諗出年都要停一停，畀個荷包休息吓。」

周柏豪（左起）、糖妹與DJ Donald在三號風球時出席戶外活動。
  • 周柏豪（左起）、糖妹與DJ Donald在三號風球時出席戶外活動。